_1693980289.gif "#")
धरान/ ग्राहकको रोजाईमा पर्दै आएको मोटरसाईकल जापानीज मोटरसाइकल निर्माता कम्पनी कम्पनी सुजुकीले अब मोटरसाईकल वा स्कुटर खरिद गर्दा ग्रहाकहरुकालागि नगद छुटको योजना ल्याएको छ ।
सुजुकीको नेपालको आधिकारिक बिक्रेता भिजी अटोमोवाइल्सले असार १ देखि लागु हुने गरि एउटा मोटरसाइकल वा स्कुटर खरीदमा १५ हजार रुपैयाँको छुट अफर ल्याइएको होे ।
लकडाउनका कारण थला परेको नेपाली बजार पुन सञ्चालनमा ल्याउन सरकारले लकडाउनको स्वरुपममा हेरफेर गर्दै उद्योग, व्यापार, व्यवसाय गर्न पाउने निर्णय गरेसँगै सुजुकीले यो अफर ल्याएको हो ।
सुजुकीको आधिकारिक बिक्रेता नवदुर्गा अटो प्यालेस धरानका का प्रोपाइटर दुर्गा भुजेलका अनुसार ग्राहकहरुले नगदमा खरीद गर्दा मात्र नभएर, एक्सचेन्ज र फाइनान्समार्फत खरीद गर्दा पनि यो अफरको लाभ लिन पाउने भएका छन् ।
प्रोपाइटर भुजेलले यो अफर असार ३१ सम्म लागु रहने बताएका छन् ।
नेपालमा सुजुकी जिक्सर १५०,२५०, इन्ट्रुडर, हायाते, बर्गम्यान, एसेस, लेट्स लगायत मोटरसाइकल तथा स्कुटर बिक्री हुदै आएको छ । सुजुकी जिक्सर १५० र २५० नेपाली युवाहरुमा लोकप्रिय छ ।
