राष्ट्र बैंक द्वारा सार्वजनिक बिदामा पनि सबै वर्गका बैंक खोल्न निर्देशन

काठमाडौं । शनिवार लगायतका सार्वजिनक विदाको दिन पनि सबै वर्गका बंैक खोल्न राष्ट्र बैंकले निर्देशन दिएको छ ।

करदाताहरुको सुविधाको लागि आगामी असार ३२ सम्म सार्वजनिक बिदामा पनि बैंकहरूका सम्पूर्ण राजस्व सङ्कलन गर्ने शाखा र काउन्टर एवं बैङ्कका क्लियरिङसम्बन्धी कार्य गर्ने काउन्टरलगायत नेपाल क्लियरिङ हाउससमेत पूर्णकालीन रूपमा खोल्न निर्देशन दिइएको नेपाल राष्ट्र बैङ्कका कार्यकारी निर्देशक देवकुमार ढकालले जानकारी दिए ।

सार्वजनिक विदाको दिनको पनि चारदेखि पाँच हजार चेक क्लियरिङ हुने गरेको दैनिक रुपमा यसको संख्या बैढ्दै गईरहेको राष्ट्र बैंकले जनाएको छ ।