दुवै मृगौला खराब भएकी सपनालाई आर्थिक सहयोग जुट्दै

धरान । आर्थिक अवश्था कमजोर भएर उपचार गराउन समस्यामा परेकी दुवै मृगौला खराब भएकी धरान १५ की सपना लिम्बुलाई आर्थिक सहयोग जुट्न थालेको छ ।
धरान १४ स्थित नरसिंह मन्दिरको घरमा बस्दै आएकी लिम्बु दुवै मृगौला खराब भए पछि धरान स्थित रामलक्ष्मण मार्गमा आफन्तको घरमा बस्दै आएकी छिन् । आर्थिक अवश्था कमजोर रहेकाले उनले डायलासिस गर्न समेत समस्यामा पर्न थाले पछि स्थानीयवासीको पहलमा आर्थिक संकलन हुन थालेको छ ।

चिकित्सकले मृगौला प्रत्यारोपणनै अन्तिम विकल्प भएको जनाए पछि आर्थिक संकलनका लागि स्थानीयहरु जुटेका हुन् । उनको उपचारका लागि अहिले सम्म करिब ५ लाख रुपैया आर्थिक संकलन भएको उनका आफन्त राजेन्द्र लिम्बुले बताए ।

उनलाई सोमबार होप धरान र भारतीय भुपु सैनिक संघ इकाइ समिती धरान १५ ले सहयोग गरेको छ ।

यस अघि पनि खाद्यान्न सहयोग गरेको होप धरानले सोमबार ३ हजार मुल्य बराबरको खाद्यान्न सहित नगद साढे १० हजार रुपैया सहयोग गरेको छ । होप धरानको पहलमा हिसप चर्चले ३ हजार मुल्य बराबरको खाद्यान्न, विजेन्द्र श्रेष्ठ र ब्रमज्ञ भट्टराईले संयुक्त रुपमा २ हजार र स्टाटिक ईन ग्रेयर्स र सेभेन इलेभेन रेष्ट्रोले संयुक्त साढे ८ हजार रुपैया सहयोग गरेका थिए ।

त्यसै गरि भारतीय भुपु सैनिक संघ ईकाइ समितीले धरानले नगद ६ हजार रुपैया प्रदान गरेको छ । संघका अध्यक्ष विकाश राई सहितको टोलि सोमबारनै उनलाई नगद हस्तान्तरण गरेको छ । कार्यक्रममा चिल्ड्रेन एकेडेमीका अध्ययनरत युना खापुङले पनि २ हजार रुपैया प्रदान गरेकी छिन् ।

नागरिकता नभएर वीपी कोइराला स्वास्थ्य विज्ञान प्रतिष्ठानबाट राज्यले दिएको निशुल्क डायलासिस सेवाबाट बञ्चित हुनुपरेकाले मृगौला प्रत्यारोपणका लागि आर्थिक सहयोग गर्न सपनाकी आमाले सबैलाई आग्रह गरेकि छिन् ।