धरान अमेरिका कोरोना राहत कोष, "धरान टिमले धरान ८ को हरेराम कृर्तन कुञ्जमा खाद्यान र नगद प्रदान"

धरान अमेरिका कोरोना राहत कोष, धरान टिमले धरान ८ को हरेराम कृर्तन कुञ्जमा खाद्यान र नगद प्रदान गरेको छ ।

शनिबार धरान टिमका संयोजक सुदन श्रेष्ठ लगायत सदस्यहरु पूर्ण राई, समिन राई, सुमन श्रेष्ठ र मोहन श्रेष्ठले कुञ्जका अध्यक्ष लोकनाथ सुवेदी र सचिव बासुदेव गौतम लगायतलाई खाद्यान्न तथा रकम हस्तान्तरण गरेको थियो ।

राहतमा ५० केजी चामल, १५ केजी दाल, १ कार्टन तेल, ३ केजी न्यूटेला, १ कार्टन विस्कुट, ५ केजी चिउरा, १ दर्जन लुगाधुने साबुन, १ दर्जन नुहाउने साबुन, १ प्याकेट पेष्ट सहित औषधि उपचारका लागि नगद रु ४ हजार प्रदान गरिएको थियो ।
हरेराम कृतन कुञ्जमा रहेका १२ जना वृद्धबृद्धा सहितका लागि उक्त खाद्यान र नगद सपोर्ट धरान कोभिड १९ अभियान अन्तर्गत धरान अमेरिका राहत कोष गो फण्ड मि मार्फत प्रदान गरिएको धरान टिम संयोजक सुदन कुमार श्रेष्ठले बताए । यस अघि पनि धरान राहत कोषमा यसै फण्ड मार्फत रु ६ लाख प्रदान गरिएको थियो ।