_1693980289.gif "#")
धरान । मुस्लिम समुदायको धार्मिक पर्व ईदमा सामुहिक रुपमा मिठो खाएर, राम्रो लगाएर, मनाउने गरिन्छ । तर यस वर्ष कोरोना संक्रमणका कारण खुलेर पर्व मनाउन सकिएको छैन् ।
'तथापि मुस्लिम समाजहरुले पर्वको अवसरमा कोरोना संक्रमणका कारण अस्पतालमा बसेका हुन् वा रोजगारी गुमेका कारण आर्थिक समस्यामा परेका हुन् उनीहरुलाई राहत स्वरुप खाद्यान्न तथा तबरुक रात वितरण गरिरहेको छ ।
यसै बिच धरान स्थित वीपी कोइराला स्वास्थ्य विज्ञान प्रतिष्ठानको कोभिड १९ अस्पतालमा बसेका २५ जना मुस्लिम युवाहरुलाई ईद–उल–फित्रको अवसरमा बिरयानी खुवाएको छ ।
धरान मुस्लिम समाजको अगुवाईमा उनीहरुलाई खाना खुवाएका हुन् । समाजका संयोजक फिरोज अलीका अनुसार अस्पतालमा बसेका मुस्लिम युवाहरु सहित गैह्रमुस्लिमहरुलाई पनि बिरयानी, चिकन, सेबइ, पुलाउ लगायतका खानेकुराहरु दिइएको छ ।
कोरोना संक्रमित अयुव मियाँले ईदको दिन खीर खाने अपेक्षा गरेपछि बीपी प्रतिष्ठानका मेडिसिन विभागका विभागीय प्रमुख प्रा.डा. सञ्जीवकुमार शर्माले धरान मुस्लिम समाजका सदस्य समेत रहेका मोहम्मद सागिरलाई जानकारी गराएका थिए । सागिरकै पहलमा समाजले तीन जनाको घरबाट संकलन गरेर अस्पतालमा रहेका २८ जनालाई वितरण गरिएको समाजका अलीले जानकारी दिए ।
यसक्रममा अस्पतालका सहायक अस्पताल निर्देशक डा. दिलिप ठाकुर, प्रा.डा. सञ्जीवकुमार शर्माले समाजलाई धन्यवाद ज्ञापन गरेका थिए । ईदको शुभकामना दिँदै कोरोना संक्रमितहरूलाई चाडका बेला सहयोग गरेकोमा धन्यवाद ज्ञापन गरे ।
