मुस्लिम समाजको तेस्रो चरणको राहत ४० जनालाई

धरान । धरानमा मुस्लिम समुदायको शुरु गरेको राहत वितरण अभियान अन्र्तगत तेस्रो चरणमा ४० जनालाई राहत वितरण गरेको छ ।

धरान मुस्लिम समाजले शुक्रबार तेस्रो चरणको राहत अभियान अन्र्तगत ४० जना सिङ्गल टेलरिङ्ग मजदुरहरु सहित मुस्लिम समुदायका विपन्न परिवारलाई राहत प्रदान गरेको हो ।

सिङ्गल टेलरिङ मजदुरहरुलाई १३ सय मुल्य बराबरको राहत वितरण गरिएको छ भने १० घर मुस्लिम परिवारलाई १९ सय बराबरको राहत वितरण गरिएको नेपाल कपडा तथा सिलाई व्यवसायी महासंघका उपाध्यक्ष समेत रहेका मुस्लिम संगठन धरानका उपाध्यक्ष फिरोज अलीले बताए ।

अभियानका लागि मुस्लिम सेवा समितीका कार्यवाहक अध्यक्ष समिम सोहन, नेपाल जुट गारमेन्ट टेक्सटाईल मजदुर युनियनका नगर अध्यक्ष मोःगुलबहार, मुस्लिम संगठनका नगर सदस्य मोः सागिर, कोषाध्यक्ष मोःजफिरले सहयोग गरेका थिए ।