भुल्केका विपन्न परिवारलाई रिडेफ र दलित मंचको राहत

धरान । लकडाउनका कारण समस्यामा परेका विपन्न तथा दैनिक ज्यालादारी मजदुरहरुलाई राहत प्रदान गर्न श्री रिडेफ नेपाल र दलित जनअधिकार मंचले खाद्यान्न सामग्री प्रदान गरेको छ ।

श्री रिडेफ नेपाल र दलित जनअधिकार मंचले संयुक्त रुपमा त्रियुगा नगरपालिकाको वडा नम्बर ३ भुल्केका विपन्न परिवार तथा मजदुरहरुलाई राहत प्रदान गर्न त्रियुगा नगरपालिकालाई १ हजार २० केजी चामल प्रदान गरेको छ ।

भुल्केका ३४ घर परिवारलाई ३० केजीका दरले चामल वितरण गर्न नगरपालिकालाई प्रदान गरेको छ । रिडेफ र मंचका प्रतिनिधीहरुले नगरपालिका प्रमुख बलदेव चौधरीलाई राहत सामग्री हस्तान्तरण गरेका थिए ।