व्यवसायी झमक बस्नेतले दिए खुट्टाले हात धुन मिल्ने धारा

धरान । कोरोनाको संक्रमणबाट बच्नका लागि सुरक्षित खुट्टाले चलाउन सकिने हात धुने धारा धरानका एक समाजसेवी तथा व्यवसायीले सुनसरी उद्योग वाणिज्य संघलाई हस्तान्तरण गरेका छन् ।
जेबि स्टिल तथा आइरन इण्डष्ट्रिका संचालक झमक बहादुर बस्नेतले संघलाई खुट्टाद्वारा चलाउन सकिने हात धुने धारा हस्तान्तरण गरेका हुन् । संघको परिषरमा रहने गरि ५ सय लिटरको पानी टंकि सहितको धारा दिएका हुन् । उनले एक कार्यक्रमको आयोजना गरि सोमबार संघका अध्यक्ष गिरिधारी सापकोटालाई हस्तान्तरण गरेका हुन् । धारामा खुट्टाकै माध्यमबाट हेण्डवास पनि निकाल्न सकिन्छ भने खुट्टाले थिचेर धारा समेत खोल्न सकिन्छ ।
हातबाट कोरोना संक्रमण फैलिन सक्ने भएकाले हात धुन पनि खुट्टाकै माध्यमबाट चलाउन मिल्ने भएकाले सहजताका लागि प्रदान गरिएको बस्नेतले बताए । उनका अनुसार करिब २५ हजार मुल्य बराबरको धारा प्रदान गरिएको हो । खुट्टाबाट चलाउन सकिने धारा बस्नेतकै कम्पनिमा निर्माण गरिएको हो । उनको कम्पनी धरान ८ स्थित औद्योगिक क्षेत्रमा रहेको छ । उनले निर्माण गरेका धाराहरु प्रदेश नम्बर १ का विभिन्न अस्पतालहरुमा पनि हस्तान्तरण गरिएको छ ।