माया घर ईटहीलाई धरान निवासी सुनित न्यौपाने सुव्वाबाट खाद्यान सामग्री प्रदान "५० जाना आश्रितले कोरोनाको संक्रमण र लकडाउनको अवस्थामा ठूलो राहत पाए "

माया घर ईटहरीलाई धरान निवासी सुनिता न्यौपाने सुव्बाले खाद्यान सामग्री प्रदान गरेको छ । कोरोना संक्रमणका कारण लक डाउनको अवस्थामा दाताहरुको अभावमा माया घरमा आश्रितहरुलाइ खाना खाजा खुवाउन समस्या भएको जानकारी भएपनि उक्त खाद्यान्न माया घर ईटहरीकी उपाध्यक्ष राधिका थापा र सुभद्रा प्याकुरेललाई हस्तान्तरण गरिएको हो । तरुण दल सुनसरीका कार्यवाहक सभापति सन्तोष वि.क. को समन्वयमा सुनसरी टेक्निकल कलेजका मेनेजिङ्ग डाईरेक्टर श्रीमती सुनिता न्यौपाने सुव्वाले आईतवार माया घर ईटहरीमा नै पुगेर हस्तान्तण गरेको थियो ।

उनले चामल १० बोरा, तेल २ कार्टन, अण्डा ४ क्रेट, दाल १५ केजी, चिनी १५ केजी, नुन ५ केजी, चिउरा ८ पाकेट, विस्कुट ५ दर्जन, चियापती ४ केजी, एभ्रीडे दुध ३ पाकेट र साबुन १ दर्जन प्रदान गरिएको थियो ।

नेपाली काँग्रेस क्षेत्र नं. १ क्षेत्रिय सदस्य रवि राईले खाजाका लागि केक तथा विस्कुट प्रदान गरेको थियो ।सडकमा रहेका कठीन अवस्थामा रहेका साहारा विहिनको घरको रुपमा माया घर रहेको सचिव सुभद्रा प्याकुरेलले बताए । माया घरको परिचय गराउदै कोरोनाको कहरको अवस्था सहयोग गर्नुभएको दाताहरुलाई उपाध्यक्ष राधिका थापाले धन्यवाद गराएका थिए ।

कार्यक्रममा समाजसेवी सुश्री विद्या शाक्य, र यूवा व्यवसायि विक्कि श्रेष्ठ र कृति टेलिभिजनका मोहन श्रेष्ठ लगायत व्यक्तित्वहरुको सहभागिता रहेको थियो । माया घरमा हाल विभिन्न अवस्थाका ५० जना रहेको छ । सवै क्षेत्रका दाताहरुको सहयोगमा माया घर संचालित छ ।