युके वाट १८ न. वडा कोरोना राहत कोषलाई सहयोग

धरान १८ न. वडा समिति कोरोना राहत कोषलाई युके वाट आर्थिक सहयोग प्राप्त भएको छ । धरान १८ निवासी हाल युके वस्दै आएका पुर्व व्रिटिस गोर्खा सैनिक काजि राई र पदम राईको संयोजनमा नगद १ लाख १८हजार २ सय ५० रुपैया राहत कोषका लागि प्राप्त भएको हो ।

सयहोग रकम युके वस्दै आएका १८ न. वडा निवासिहरुवाट संकलन गरिएको काजि राईले अनलाइन मार्फत जानकारी गराए ।

आर्थिक संकलन संयोजक काजि राई आफैले नगद ५० हजार, पदम राई वाट १५ हजार, पञ्चधन राई १५ हजार, दोर्जमान राई १५ हजार, रविन परिवार १५ हजार, सन्तोस राई ४ हजार ५ सय र राम राई वाट ३ हजार ७ सय ५० रुपैया प्राप्त भएको संयोजक राईले जनाए ।
१८ न. वडा कोरोना राहत कोषमा अहिले सम्म जिन्सि र नगद गरि ३ लाख रुपैया वरावर जम्मा भइसकेको १८ न. वडाध्यक्ष प्रविण राईले जानकारी गराएका छन ।

राहत कोष वाट समितिले लकडाउनका कारण समस्यामा परेका आफ्नो वडाका अति विपन्न परिवारहरुलाई खाद्यन्न उपलव्ध गराउने, विपि प्रतिष्ठान विरामि कुरुवाहरुलाई विहान र वेलुका खाना खुवाउने र मास्क, नेनिटाइजर र पञ्चा वितरण गर्ने कार्य भइरहेको वडाध्यक्ष राईले जनाए ।

१८ न. वडा समितिले अहिले सम्म आप्mनो वडाका लगत संकलन भएका २ सय २३ घर परिवारलाई दुई पटक राहत उपलव्ध गराइसकेको र तेस्रो चरणको राहत वितरणको लागि तयारी भइरहेको समितिले जनाएको छ ।

१८ न. वडाले आप्mनो वडाको छुट्टै स्थापना गरेको कोरोना राहत कोषमा वडाध्यक्ष आफैले एक महिनाको तलव र चार जना जनप्रतिनिधिहरुले जनाहि दश हजार रुपैया जम्मा गरेर राहत कोषको सुरुवात गरेका थिए ।